अंजोर.गरियाबंद, 27 जून 2021। सिटी कोतवाली गरियाबंद म आके रिपोर्ट दर्ज कराइन के कोनो अज्ञात मनखे उंकर नाबालिक नोनी ल बहला फुसलाके भगा ले गे हावय। जेमा तुरते अपराध क्रमांक 259/2020 धारा 363 भादवि दर्ज करे गिस।
मामला गंभीरता अउ नोनी के अपहरण ले सम्बंधित होए म घटना के जानकारी तुरते जिला के आला अधिकारी मन ल दे गिस। जेमा गरियाबंद के पुलिस कप्तान भोजराम पटेल के दिशा-निर्देश अउ अतिरिक्त पुलिस अधीक्षक संतोष महतो के मार्गदर्शन, अनुविभागीय अधिकारी पुलिस गरियाबंद संजय ध्रुव के पर्यवेक्षण म थाना प्रभारी सिटी कोतवाली निरीक्षक वेदवती दरियो डहर ले टीम बनाके आरोपी के पता तलाश करे गिस।
मुखबीर सूचना म आरोपी फुलेश्वर उर्फ गोलू नेताम पिता रामसिंह नेताम उमर 21 साल निवासी गांव मेड़किडबारी थाना छुरा, जिला गरियाबंद ल रवि नगर, शुक्ला कॉलोनी रायपुर ले घेराबंदी करके हिरासत म लेके पुछताछ करे म नाबालिक लड़की के संग दुष्कर्म करे के बात स्वीकार करिन अउ आरोपी के कब्जा ले अपहृता ल बरामद करे गिस। आरोपी ल धारा 363, 366, 376(2)(ड.) भादवि 4 पॉक्सो के तीत विधिवत गिरफ्तार करके माननीय न्यायालय के समक्ष पेश करके न्यायिक रिमाण्ड म भेजा गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।