हाईड्रोसिफेलस ले पीड़ित गरियाबंद के नोनी रवीना रायपुर ले बने होगे लुहंटिस गांव

अंजोर.गरियाबंद, 16 जून 2021। गरियाबंद जिला के मैनपुर विकासखण्ड ले पंचायत गौरगांव के गांव झोलाराव निवासी दू महीना के नोनी कुमारी रवीना जेन हाईड्रोसिफेलस गंभीर बीमारी ले पीड़ित रिहिस। बाल गोपाल चिल्ड्रन हॉस्पिटल रायपुर म 15 दिन उपचार बाद कुमारी रवीना स्वस्थ होके अपन गांव लहुंट आये हावय। जानबा हो के कलेक्टर निलेशकुमार क्षीरसागर के निर्देशन म मुख्य चिकित्सा अउ स्वास्थ्य अधिकारी डॉ. एन.आर. नवरत्न के समक्ष आर.बी.एस.के. टीम डहर ले लइका ल 01 जून के गरियाबंद लाये गिस अउ चिरायु दल डहर ले चिरायु कार्यक्रम के तहत लइका के उपचार बर बाल गोपाल चिल्ड्रन हॉस्पिटल रायपुर भेजा गे रिहिस, जिहां ले उपचार करा के 15 दिन बाद कुमारी रवीना स्वस्थ होके महतारी नरेश्वरी बाई अउ पिता मोतीराम मरकाम के संग अपन गांव पहुंच गे हावय। रवीना के माता-पिता ह लइका के उपचार म सहयोग के खातिर कलेक्टर क्षीरसागर अउ स्वास्थ्य विभाग के डॉक्टर मन ल धन्यवाद ज्ञापित करिन हावय।