अंजोर.रायपुर, 21 जून 2021। सातवां अंतर्राष्ट्रीय योग दिवस म छत्तीसगढ़ म योग के जबर उत्साह देखे गिस। राज्यपाल सुश्री अनुसुईया उइके, मुख्यमंत्री भूपेश बघेल, मंत्रीगण, विधायकगण, जनप्रतिनिधी मन, गणमान्य नागरिक के संग ही आने-आने विभाग के अधिकारी-कर्मचारी सहित बड़ संख्या म जनसामान्य डहर ले आने-आने जगह म कोविङ-19 के संक्रमण के रोकथाम बर जारी दिशा-निर्देश के पालन करत योगाभ्यास करे गिस।
ए मउका म समाज कल्याण विभाग अउ योग आयोग डहर ले आयोजित वर्चुअल योग मैराथन म ‘योग करबो-स्वस्थ्य रहिबो‘ सूत्र वाक्य के संग 10 लाख 41 हजार 595 लोगन ह एमे शामिल होके एक रिकार्ड कायम करिन। येकर संग ही योग दिवस के मउका म समाज कल्याण मंत्री श्रीमती अनिला भेंड़िया, राज्य सभा सांसद श्रीमती छाया वर्मा, छत्तीसगढ़ राज्य महिला आयोग के अध्यक्ष डॉ. किरणमयी नायक अउ संचालक समाज कल्याण श्री पी. दयानंद ह योग गुरू धीरज वशिष्ठ डहर ले लिखी गे योग संजीवनी पुस्तक के विमोचन भी करिन।
’छत्तीसगढ़ वर्चुअल योग मैराथन’ म बड़ संख्या म भाग लेके लोगन ह योगासन करत अपन फोटो/वीडियो अपन सोशल मीडिया एकाउंट्स म डालके अउ हैशटेग संग शेयर करिन। एमे समाज के बच्चे, बुजुर्ग, दिव्यांगजन, तृतीय लिंग के मनखे मन सहित प्रदेश के हर हिस्सा के लोगन ह उत्साह पूर्वक भाग लिस। मुख्यमंत्री श्री बघेल ह भी बिहनिया योग के आने-आने मुद्रा के अभ्यास करिन अउ वर्चुअल योग मैराथन म शामिल होइन। राजधानी रायपुर के बूढ़ातालाब, तेलीबांधा तरिया सहित प्रदेश के कई ठऊर मन म लोगन ह कोरोना दिशा-निर्देश के पालन करत फिजिकल डिस्टेंसिंग के संग योगाभ्यास करिन। वर्चुअल योग मैराथन के खातिर पाछु 5 जून ले प्रदेश म रजिस्ट्रेशन के प्रक्रिया शुरू करे गे रिहिस। पंजीकृत सबो प्रतिभागी के ई-प्रमाण-पत्र ऑनलाइन दे के संग राज्य के सबो जिला के पहिली 100 पंजीकृत प्रतिभागह ल योगा टी-शर्ट दे गे हावय। पंजीकृत प्रतिभागी जनसम्पर्क के वेबसाईट के लिंक म जाके अपन मोबाईल नम्बर अउ जन्म तिथि डाल करके ई-प्रमाण-पत्र ले सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।