कंकाल उघारिस पै, हत्या के आरोपी एक साल बाद जशपुर पुलिस के गिरफ्त म

अंजोर.जशपुर, 26 जून 2021। पतरापाली जूनापारा तालाब तिर झाड़ी म एक लइका के कंकाल मिले ले गुम बालिका के माता-पिता ल बलाके चिन्हारी कराये म लइका महादेव टिकरा निवासी श्याम सुंदर भारद्वाज के 04 वर्षीय बच्ची रूचिका भारद्वाज निकलिस। मामला के संवेदनशीलता ल देखत विवेचना ल आगू बढ़ाये म FSL वैज्ञानिक मनके मदद ले गिस। नर कंकाल के पीएम म ओमा होमीसायडल घोषित करे के बाद प्रकरण म धारा 302,201 जोड़े गिस। 

पुलिस के बताती मृत बालिका के पिता के साथ रंजिश रखइया मोहल्ला के अमित कुर्रे ले सघन पूछताछ करे म वो अपन अपराध स्वीकार कर लिस। बताइन के रूचिका ओकर दुकान म चाकलेट ले बर आये रिहिस, तभे रंजिश के सेती ओला जोर से धक्का दे दिस। जेकर से सिर दरवाजा के चौखट ले टकराये म वो बेहोश होगे। तब बालिका के मुंह ल कपड़ा ले बांध के एक प्लास्टिक झोला म डालके जूनापारा (पतरापाली) के तालाब म फेंक दिस। आरोपी के निशानदेही म उक्त तालाब अउ ओकर आस-पास के क्षेत्र के सचिंग करवाईस जेमा एक घड़ी अउ पर्स बरामद होइस जेमा रूचिका होना बताये गिस। विवेचना म अपराध सबुत पाये जाये म आरोपी अमित कुर्रे ल गिरफ्तार करके न्यायिक रिमाण्ड म भेजे जात हावय।

ये मामला के पै उघारे म पुलिस महानिरीक्षक सरगुजा रेंज सरगुजा आर. पी. सायके सतत निर्देशन, वरिष्ठ पुलिस अधीक्षक जशपुर बालाजी राव केमार्गदर्शन अउ विवेचना टीम के प्रभारी अतिरिक्त पुलिस अधीक्षक जशपुर उनैजा खातून अंसारी, एसडीओपी योगेश देवांगन, थाना प्रभारी पत्थलगांव संतलाल आयाम, थाना प्रभारी कुनकुरी भास्कर शर्मा, प्रधान आर. नशीरूददीन अंसारी, आर. कमलेश्वर वर्मा, तुलसी रात्रे के विशेष भूमिका रिहिस। जेमा पुलिस महानिरीक्षक कोति ले 10,000 रूपिया के नगद पुरस्कार विवेचना टीम ल दिये जाये के घोषणा करे गे हावय।