अंजोर.कबीरधाम, 28 जून 2021। छत्तीसगढ़ के वन, परिवहन, घर अउ पर्यावरण मंत्री मोहम्मद अकबर ह कबीरधाम प्रवास के बखत विश्राम भवन कवर्धा म कबीरधाम जिला के आदिवासी अउ विशेष पिछड़ी बैगा जनजाति बाहूल गांव शंभूपीपर ल निस्तार अउ सामुदायिक उपयोग के खातिर 153 हेक्टेयर के सामुदायिक वन अधिकार पत्र दिस। ग्राम पंचायत शम्भूपीपर के सरपंच श्रीमती देवकी सोनसिंह मरकाम के सामुदायिक वन अधिकार मान्यता पत्र ल दे गिस।
ये मउका म वनमंत्री श्री अकबर ह किहिन के वन अधिकार के क्रियान्वयन म छत्तीसगढ़ राज्य देश म अग्रणी राज्य के रूप म उभरे हावय। वनांचल अउ जंगल के बीच रहइया राज्य के सबोच परिवार ल विकास के मुख्यधारा म लाने के खातिर मुख्यमंत्री के नेतृत्व म विशेष पहल अउ प्रयास करे जात हावय। ओमन ये भी किहिन के छत्तीसगढ़ लघुवनोपज के संग्रहण म देश म पहिली ठऊर म अपन पहचान बनाये हावय।
पहिली छत्तीसगढ़ राज्य म लघु वनोपज संघ डहर ले सात लघु वनोपज के ही न्यूनतम समर्थन कीमत म रिहिस, जेला बढ़ाकर 38 वनोपज अउ संघ डहर ले करार न्यूनतम समर्थन कीमत ले 14 वनांपज ए रकम ले कुल 52 वनोपज के बिसाके जाथे। राज्य म महुआ के समर्थन कीमत के 17 रूपिया ले बढ़ाके 30 रूपिया प्रति किलो करे गे हावय। येकर ले राज्य के लाखों वनोपज के संग्रहण करइया परिवार ल सोज लाभ मिलत हावय। ए मउका म कलेक्टर रमेश कुमार शर्मा, पुलिस अधीक्षक शलभ सिन्हा, डीएफओ दिलराज प्रभाकर, नगर पालिका अध्यक्ष ऋषि शर्मा, नीलकंठ चंद्रवंशी, जिला पंचायत सदस्य तुकाराम चंद्रवंशी, कलीम खान, नगर पालिका उपाध्यक्ष जमील खान, पार्षद प्रमोद लुनिया, सुनील साहू, निज सहायक कीर्तन शुक्ला, प्रशांत परिहार सहित जनप्रतिनिधि उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।