कोरबा शहरवासी मन खातिर सजही अब मानिकपुर पोखरी, नौकायन अउ वॉटर स्पोर्ट्स के सुविधा तको

अंजोर.कोरबा, 24 जून 2021। मानिकपुर के बंद कोइला खदान म भरे पानी ल शहरवासी मनके खातिर सजाये के काम जल्दीु ही शुरू होए के उम्मीद हावय। कलेक्टर श्रीमती रानू साहू ह आज नगर निगम कमिश्नर कुलदीप शर्मा अउ एसईसीएल के अधिकारी मनके संग मानिकपुर पोखरी के निरीक्षण करिन अउ उंकर सौंदर्यीकरण, पर्यटन जगह के रूप म विकसित करे के संभावना अउ कार्ययोजना म गोठबात करिन। 

श्रीमती साहू ह एसईसीएल के अधिकारी मन ल मानिकपुर पोखरी के सौंदर्यीकरण अउ विकास के खातिर बनाये गे योजना के जल्दी  ले जल्दीर स्वीकृत कराये अउ जरूरी धनराशि उपलब्ध कराये के खातिर तेजी ले प्रयास करे के निर्देश दिस। नगर निगम कमिश्नर ह बताइन के पहिली भी पोखरी के पर्यटन के दृष्टि ले विकसित करे के खातिर प्रस्ताव सह कार्ययोजना तइयार कराये गे रिहिस। जेला एसईसीएल के स्वीकृति बर भेजा गे हावय। ए कार्ययोजना म पोखरी के अपार जलराशि अउ उंकर आसपास स्पोर्ट्स जोन, बोटिंग एक्टिविटी, पब्लिक जोन, फूड जोन, कैफेटेरिया, रेस्टोरेट, व्यूईंग पाइंट, सेल्फी पाइंट, पार्किंग जोन हर्बल जोन, कैम्पिंग, साईकिल ट्रेक, आर्चरी, वाकिंग ट्रेक, नेचुरल ट्रेक, फाउण्टेन, गार्डन, गजेबो, ओपनजिम, ट्री हाउस, लाईटिंग उक के संग आने-आने सौदंर्यीकरण संबंधी बुता शामिल करे गे हावयं। कलेक्टर श्रीमती साहू ह ए कार्ययोजना म तेज गति ले आगू के कार्यवाही करे के निर्देश अधिकारी मन ल दिस ताकि प्राकृतिक सौंदर्य ले भरपूर ये पोखरी ल एक अच्छा पर्यटक जगह के रूप म विकसित करे जा सके।