कोडार बांध म इको पर्यटन बुद्ध वाटिका निर्माण के होइस शिलान्यास

अंजोर.महासमुंद 2 जून 2021। जिला म पर्यटन कारोबार ल बढ़ावा दे के खातिर कार्ययोजना बनाये गे हावय ये बात के आरो देवत संसदीय सचिव विनोद चंद्राकर ह आज कोडार बांध म इको पर्यटन प्रोजेक्ट के निर्माण कार्य, बुद्ध वाटिका शेड बुता के शिलान्यास अउ भूमि पूजन करिन। वन विभाग डहर ले ए कार्यक्रम म कोविड नियम के पालन करत होइय जेमा कुहरी ले सिरपुर तीन बुद्ध उपवन के भी शिलान्यास करे गिस। मुख्य अतिथि संसदीय सचिव विनोद चंद्राकर ह किहिन के राज्य सरकार प्रदेश म पर्यटन ल बढ़ावा दे के काम करे हावय। ताकि इहाँ के गौरवशाली विरासत, परम्परा, लोक संस्कृति ले वाक़िफ़ होही। कोडार बांध म नौकाविहार के खातिर बोटिंग सुविधा, पाथ वे, घाट अउ टेटिंग सहित आन बुता के शिलान्यास अउ भूमिपूजन करे गिस। ओमन किहिन के कोडार डेम म पर्यटन के बढ़ावा दे शुरू ले पहल करे जात रिहिस। ए दिशा म मुख्यमंत्री भूपेश बघेल ल ध्यानाकर्षित कराये गे रिहिस जेन म ये खातिर स्वीकृति मिले हावय।

अंतराष्ट्रीय पर्यटन मानचित्र म सिरपुर अपन ऐतिहासिक अउ पुरातात्विक महत्ता के सेती आकर्षण के केंद्र हावयं। अब येकर पथ ल अउ खूबसूरत बनाये के खातिर  कुहरी ले सिरपुर तक पांच चयनित जगह म सुन्दर बुद्ध वाटिका उपवन बनाए जाही। ये उपवन बने म मुसाफिर आराम करे सकही। ज़िला वनमंडला अधिकारी  पंकज राजपूत ह प्रोजेक्ट के बारे म विस्तार ले जानकारी दीस। ओमन बताइन के इको पर्यटन म करीब 38 लाख के लागत ले काम कराये जाही। तीन-चार महीना म इहां बोटिंग के सुविधा मिल सकही। इही रकम ले करीब 9-9 लाख के लागत ले पांच ठऊर मन म उपवन के निर्माण कराये जाना हावय। 

आने वाला कुछ समय बाद कोडार बांध म नौकाविहार के खातिर बोटिंग के सुविधा सैलानी मनला उपलब्ध होही। उहें कम दाम म जंगल म ठहरे के इंतजाम भी करे जाही। ऐतिहासिक नगरी सिरपुर म भी पर्यटन ल बढ़ावा दे हरसंभव प्रयास करे जात हावय। सिरपुर कोनो जमाने म सबले बड़ा बौद्ध जगह माने जात रिहिस। छत्तीसगढ़ राज्य बने के बाद पुरातत्व विभाग डहर ले करे खुदाई म सिरपुर इलाका म भगवान बुद्ध के केऊ प्रतिमा अउ बौद्ध जगह पाए गे हावय। येकर प्रसिद्धि जब दुनिया भर म फैलत हावय, धर्म गुरु दलाई लामा भी कुछ साल पहिली छत्तीसगढ़ म आए रिहिस।