अंजोर.महासमुंद, 25 जून 2021। ओडिशा ले अवैध मादक पदार्थ गांजा के बड़का खेप एक आयशर ट्रक म ओडिशा ले महासमुन्द होवत उत्तर प्रदेश अउ दिल्ली तनि जात 2 करोड़ 60 लाख के गांजा महासमुंद पुलिस कोति ले पकड़े गे हावय। मिले आरो के मुताबिक पुलिस अधीक्षक महासमुन्द डहर ले थाना कोमाखान प्रभारी सिद्धेश्वर प्रताप सिंह ल लघियात कार्यावाही करे बर निर्देशित करिन अउ महासमुंद जिला म प्रवेश करे वाला सबो पाईंट बल तैनात करके संदिग्ध वाहन के जांच कर गिस तभे खरियाररोड़ की कोति ले 01 आयशर 06 चक्का ट्रक क्रमांक OD 02 U 7795 महासमुन्द तनि आत रिहिस। ट्रक ल टेमरी नाका म घेराबंदी करके रोके गिस। जेमा आरोपी अतिश कुमार सिंह पिता उमाशंकर सिंह उमर 23 साल सा. वार्ड नं. 11 कृपाराम के डेरा शिवपुर डियर नुम्बेरी थाना हरदेव सिंह के डेरा जिला बलिया उत्तर प्रदेश अउ हरिलाल उर्फ हीरालाल पिता रघुनाथ राम उमर 35 साल सा. गांव सासामुसा थाना कोचईकोट जिला गोपालगंज, बिहार के होना बताये गिस। गाड़ी पूरा गोभी सब्जी ले भरे रिहिस। संदेह होए म हटा हटाके के चेकिंग करिन त ओमा उपर म गोभी भितरी म 52 बोरी म 1300 किलो मादक पदार्थ गांजा मिलिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।