सरायपाली, महासमुन्द निवासी रतन अग्रवाल पिता स्व. बनवारी अग्रवाल ह सरायपाली थाना म अपन 10 चक्का ट्रक के चोरी के रिपोर्ट दर्ज कराये रिहिस। पुलिस ह धारा 379 के तहत मामला दर्ज करके विवेचना म लिस। पुलिस अधीक्षक प्रफुल्ल कुमार ठाकुर ह मामला के गंभीरता के देखत ट्रक चोरी के पता लगाके चोर ल पकड़ने के खातिर सायबर सेल अउ सरायपाली थाना के निर्देशित करिन।
टीम ह राज्य के अंतर्राजीय बार्डर अउ टोल प्लाजा के सीसीटीव्ही फुटेज ल खंगालिस, जेकर ले चोरी ट्रक के अंतर्राजीय बार्डर ले पार होके दीगर प्रांत तनि जाना पाइस। एमा पुलिस के टीम ह आमगांव, गोदिया, सामवेर, अमरावती महाराष्ट्र अउ मध्यप्रदेश के बैतुल, सत्नेर, अठनेर के ठऊर मन म सरलग एक सप्ताह कैप लगाके अलग-अलग जगह म लगे लगभग 200 ले जादा सीसीटीवी फुटेज ल खंगालिस।
पुलिस के टीम ल इही बीच मुखबिर ले मिले सूचना के आधार म नागपुर महाराष्ट्र निवासी नंदकिशोर खाकरे ल पकड़ के चोरी के ट्रक के संबंध म कड़ाई ले पूछताछ करे म ओमन बताइन के ट्रक के चोरी करके इंदौर म कबाड़ी सलमान मंसूरी ल 50000 रूपिया म बेचे हाव। ए ट्रक के संग चोरहा चोरी करे गे आन 11 ट्रक ल भी कबाड़ी के पास खपाना बताइन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।