Mahasamund Police News : 37,28,900 रूपिया नगदी के संग कोल्हापुर महाराष्ट्र के 2 आदमी पुलिस के गिरफ्त म

अंजोर
0

अंजोर.महासमुंद, 27 जून 2021। महासमुंद पुलिस जिला क्षेत्र ले अवैध पदार्थ के परिवहन म सरलग कार्यवाही करत हावय। इही ओढ़र म ओडिशा तनि ले एक वाहन म भारी मात्रा म नगदी लेके महासमुंद आये के आरो म थाना सिंघोड़ा म वाहन रोके बर बड़का अधिकारी मनके निर्देश म अंतर्राज्यीय चेक पोस्ट रेहटीखोल म संदिग्ध गाड़ी म नजर रखे गिस। 

मिले आरो के मुताबिक सफेद रंग के मारुति सुजुकी सियाज कार क्र. 0 MH 09 ET 8986 चेक पोस्ट म रोक के पीताम्बर शिवाजी माने पिता शिवाजी अन्ना माने उमर 46 साल अम्बई नगर हुपरी कोल्हापुर महाराष्ट्र अउ अविनाश सिंगारे पिता श्यामराव सिंगारे उमर 36 साल हुपरी कोल्हापुर महाराष्ट्र ले पूछताछ करे म बने जवाब नइ मिलिस। वाहन के तलाशी ले म सीट के पाछु बने चेम्बर म रखे रूपिया के बण्डल मिलिस। जेमा 2000-2000 रूपिया के 103 नोट रकम 206000 अउ 500-500 रूपिय के 6795 नोट रकम 3397500 रूपिया, 200-200 रूपिय के 127 नोट रकम 25400 रूपिय, 100-100 रूपिय के 1000 नोट रकम 100000 रूपिया कुल रकम 3728900 रूपिया भराय रिहिस। 

संदिग्ध मनखे पीताम्बर शिवाजी अउ अविनाश सिंगारे ले रूपिया के बारे म कोनो ठोस कागजात नइ दिखाये म थाना सिंघोड़ा के टीम डहर ले वाहन सियाज म बने चेम्बर म रखें भारतीय मुद्रा 37,28,900 रूपिया अउ वाहन ल अपन कब्जें म लेके धारा 102 जाफौ0 के तहत जप्त करके आगू के कार्यवाही करे गिस।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !