अंजोर.महासमुंद, 29 जून 2021। महासमुंद पुलिस बड़का कार्यवाही करत आज यूपी के दू चांदी तस्क र ल दबोचे हावय। चेकिंग ले बांचे के खातिर कार म चेम्बर बनाके, चांदी के सिल्ली अउ गहना के तस्करी करत रिहिस। उंकर तिर ले 235 किलो 600 ग्राम कच्चा चांदी के सिल्ली अउ 08 किलोग्राम (चांदी के आभूषण) करीबन 1,76,05,000 (एक करोड़, छिहत्तर लाख, पांच हजार) अउ नगदी रकम 5,78,900 रूपिया अउ कार जुमला 1,96,83,900 रूपियां (एक करोड़ छयानबे लाख तिरासी हजार नौ सौ0) रूपिया भी बरामद करे हावय।
मिले आरो के मुताबिक सिंघोडा थाना क्षेत्र के अन्तर्राजीय चेक पोस्ट रेहटीखोल छ.ग. ओड़िसा बार्डर म पुलिस पार्टी डहर ले संदिग्ध वाहन के चेकिंग के बखत बरगढ़ ओडिसा कोति ले आत एक सफेद रंग के एम.जी. हेक्टर कार ल चेक पोस्ट म रोक के पूछताछ करिन। गाड़ी म गौरव शल्या पिता सत्येन्द्र शल्या उमर 22 साल पुराना गल्ला मण्डी फतेहाबाद तहसील/थाना फतेहाबाद जिला आगरा, उत्तर प्रदेश अउ संजय खान पिता नूर मोहम्मद उमर 41 साल सा. पठान मोहल्ला फतेहाबाद तहसील/थाना फतेहाबाद जिला आगरा, उत्तर प्रदेश के रहइया रिहिस। पुलिस टीम ल संदेह होए म चेम्बर ल खुलवा के चेक करिन त चेम्बर म अलग-अलग कच्चा चांदी के सिल्ली 69 नग, चांदी के ज्वेलरी अउ नगदी रकम मिलिस।
कच्चा चांदी के सिल्ली अलग-अलग आकार अउ वजन के 13 नग बडा, मध्यम आकार के 33 नग, छोटा आकार के 23 नग वजनी करीबन 235 किलो 600 ग्राम कीमती करीबन 1,70,45,000/- रूपिया, चांदी के गहना (पायल, ब्रेसलेट) 03 अलग-अलग प्लास्टिक के पाउच म भराये वजनी करीबन 08 किलोग्राम कीमती करीबन 5,60,000/- रूपिया अउ 5,78,900/- रूपिया नगदी रकम रखे मिलिस, पूछताछ करे म ओमन बताइन के फतेहाबाद ले 100 किलो ग्राम चांदी के गहना (पायल, ब्रेसलेट) लेके बिक्री करे बर उडीसा जाना अउ उडीसा म बी.जू. ज्वेलरी शाप सम्बलपुर ओडिशा म चांदी के गहना (पायल, ब्रेसलेट) ज्वेलरी के बिक्री करके बिक्री के कुछ रकम अउ चांदी के कच्चा सिल्ली के लेके आना बताइन। फेर येकर बारे म उंकर तिर कोनो कागजात नइ रिहिस ये सेती वाहन सहित सबो ल पुलिस अभिरक्षा म रखे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।