मोहाटी-मोहाटी, कुरिया-कुरिया आरूग पानी पहुंचाये खातिर जल जीवन मिशन : गुरू रूद्रकुमार

अंजोर.रायपुर, 28 जून 2021। लोक स्वास्थ्य यांत्रिकी अउ ग्रामोद्योग मंत्री गुरू रूद्रकुमार ह आज अपन निवास कार्यालय सतनाम सदन म आरूग पानी खातिर लोगन ल जागरूक करे बर तइयार करे गे पोस्टर के विमोचन करिन। जानबा होवय के राज्य सरकार जल जीवन मिशन के तहत लोगन के मोहाटी-मोहाटी, कुरिया-कुरिया तक आरूग पानी पहुंचाये के अभियान सुरू करे हावय। येकर अलावा प्रदेश के सबो स्कूल म शुद्ध पेयजल पहुंचाये के लक्ष्य रखे गे हावय। लोगन ल खाना खाये ले पहिली अउ शौच के बाद साबुन ले हाथ धोये के खातिर जागरूक भी करे जात हावय। हर मनखे के खातिर 55 लीटर जल के उपलब्धता के दिशा म भी काम करे जात हावय। फील्ड टेस्ट किट डहर ले स्थानीय स्तर म ही जल जांच करे बर ग्रामीण महिला मन ल जागरूक करत हावयं। ए मउका म जल जीवन मिशन के संचालक एस. प्रकाश, लोक स्वास्थ्य यांत्रिकी विभाग के प्रमुख अभियंता टी.जी. कोसरिया अउ अतिरिक्त मिशन संचालक ए.के. साहू उपस्थित रिहिस।