नारायणपुर जिला मुख्यालय म न्यायालयीन कर्मचारी आवास के होइस भूमिपूजन

अंजोर.नारायणपुर, 2 जून 2021। हस्तशिल्प विकास बोर्ड के अध्यक्ष अउ स्थानीय विधायक चंदन कश्यप ह नारायणपुर जिला मुख्यालय म न्यायालयीन कर्मचारी मन बर 26 नग आवास गृह निर्माण बुता के भूमिपूजन करिन। ए मउका म जिला पंचायत अध्यक्ष श्रीमती श्यामबती नेताम, जिला पंचायत उपाध्यक्ष देवनाथ उसेण्डी, संगठन पदाधिकारी रजनू नेताम सहित क्षेत्र के जनप्रतिनिधि अउ लोक निर्माण विभाग के अधिकारी-कर्मचारी उपस्थित रिहिस। 

जिला मुख्यालय म न्यायालयीन कर्मचारी मन बर बनइया आवास के खातिर कुल 2 करोड़ 87 लाख 53 हजार रूपिया के लागत आही। ए रकम ले आने-आने रकम लेके कुल 26 नग आवास तइयार करे जाही। एमे 1 नग जी टाईप, 15 नग एच टाईप अउ 10 नग आई टाईप आवास के निर्माण करे जाही। ये आवास के निर्माण पूरा होए म न्यायालयीन कर्मचारी मनला बने रकम ले आवास के सुविधा मिलही।