रायगढ़ म बड़का सड़क हासदा म 6 झिन के मउत, मुख्यमंत्री गहरा दुःख व्यक्त करत दीस 25-25 हजार के आर्थिक मदद

अंजोर.रायगढ़, 28 जून 2021। रायगढ़ जिला के विकासखंड धर्मजयगढ़ के ग्राम सिसरिंगा म आज सड़क दुर्घटना म 6 लोगन के मउत होगे। मिले आरो के मुताबिक सबो झिन एके परिवार के आए अउ घरूक कार्यक्रम म सामिल होगे आवत रिहिस। मुख्यमंत्री दाऊ भूपेश बघेल ह आरो पाके गहरा दुःख व्यक्त करत करिन। ओमन जान गवाये लोगन मनके परिजन के प्रति अपन संवेदना व्यक्त करत, घटना म घायल मनके बेहतर उपचार के खातिर जिला प्रशासन ल निर्देश दिस। रायगढ़ जिला प्रशासन कोति ले ये घटना म जान गवइया 6 लोगन के परिजन ल 25-25 हजार रूपिया के आर्थिक सहायता दीस अउ घायल मनला धरमजयगढ़ अउ जिला अस्पताल रायगढ़ म भर्ती करके उंकर ईलाज करावत हावय।