कलेक्टर ह अधिकारी मनला निर्देशित करिन के जिला म समितिवार खाद, बीजहा अउ वर्मी कंपोस्ट के वितरण बर रोस्टर बनाके शिविर लगाये जाए। येकर खातिर ओमन 15 दिन के रोस्टर बनाके 4 जून ले वितरण के कार्यवाही सुनिश्चित करे ल किहिन। ओमन किसान मनला कृषि संबंधी नवा तकनीक के जानकारी भी दे ल किहिन। रायपुर जिला म खरीफ साल 2021 बर फसल क्षेत्राच्छादन के कुल लक्ष्य 1,64,514 हेक्टेयर हावय, जेमा अनाज फसल 1,59,870 हेक्टेयर म, दलहनी फसल 969 हेक्टेयर म, तिलहनी फसल 777 हेक्टेयर म अउ 2898 हेक्टेयर म सब्जी अउ आन फसल मनला कार्यक्रम म ले हावय। फसल परिवर्तन बर धान के बदला मक्का, दलहन अउ तिलहन फसल लिये जाये बर 1000 हेक्ट. अउ धान के प्रचलित किस्म के जघा म विशेष किस्म सुंगधित धान, जिंक धान, जैविक धान, दलहन, तिलहन गन्ना अउ आन फसल बर 3227 हेक्टेयर के अतिरिक्त लक्ष्य रखे गे हावय।
रायपुर जिला म खरीफ बीजहा वितरण के लक्ष्य 56,570 कि. के विरुद्ध अब तक 30,945.90 कि. बीजहा के भण्डारण करके 13,054.70 कि. बीजहा के वितरण करे जा चुके हावय। खरीफ उर्वरक वितरण के लक्ष्य 67,000 मि.टन के विरुद्ध अब तक 29,450 मि.टन. उर्वरक के भण्डारण करके 5 हजार 8 सौ ले जादा मि.टन. उर्वरक वितरण करे गे हावय। जैव उर्वरक वितरण म राइजोबियम, पी.एस.बी., एजेक्टोबैक्टर के 16,800 लिक्विड कल्चर लक्ष्य के निर्धारण करे गे हावय।
विभागीय अधिकारी मन ह बताइन के रासायनिक उर्वरक अउ बीजहा के गुणवत्ता के रोकथाम बर बीजहा के लक्ष्य 85 के विरूद्ध 96 नमूना ले गिस जेमा 56 नमूना मानक पाये गे हावय। बांचे नमूना प्रयोगशाला म परीक्षण बर बांचे हावय। इही रकम ले उर्वरक के 30 नमूना लिस जेमा ले 08 ल परिणाम मानक अउ 01 परिणाम अमानक मिले हावय। अमानक ननूना ल विरुद्ध बेचे म प्रतिबंध लगाये गे हावय।
गोधन न्याय योजना ले रायपुर जिला म 22,247 क्वि. वर्मी खातु उत्पादित करके 17,272 क्विं. वर्मी खातु के पैकेजिंग पूरा करके 11,566 क्विं वर्मी खातु सहकारी समिति मन ल प्रदाय करे गे हावय। अवइया दिन म वर्मी खातु 26,673 किवं. अउ सुपर कम्पोस्ट 1,02,313 क्विं. अनुमानित हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।