अंजोर.रायपुर, 29 जून 2021। सस्ती सोना दे के प्रलोभन देके अपन झांसा म लेवत लगभग एक दर्जन लोगन ले कुल 35,17,000 रूपिया के ठगी करइया 05 महिला आरोपी ल थाना खमतराई रायपुर ह अपराध क्रमंक 379/21 धारा 420, 34 भादवि. के प्रकरण म धरे हावय। मिले आरो के मुताबिक 01. सुनीता साहू उर्फ कुमकुम पति मुकेश चैबे उमर 30 साल निवासी गांव मालीभाठा थाना अउ जिला नयापारा उडीसा। 02. पी. अनुसुईया राव पति पी. मंगलेश राव उमर 36 साल निवासी रामेश्वर नगर बंधवा तालाब पास भनपुरी थाना खमतराई रायपुर। 03. पूर्णिमा साहू पति शंकर साहू उमर 38 साल निवासी भगत सिंह चैक भनपुरी थाना खमतराई रायपुर। 04. प्रतिभा मिश्रा पति शिव शंकर मिश्रा उमर 42 साल निवासी रामेश्वर नगर भनपुरी थाना खमतराई रायपुर। 05. गीता महानंद पति प्रीतम सिंह उमर 44 साल निवासी रामेश्वर नगर शिव मंदिर के पास थाना खमतराई रायपुर के गिरफ्तार करिन गे। पुलिस के बताती ये आरोपी मन डहर ले जिला कवर्धा म भी अलग-अलग लोगन ल सस्ता दाम म सोना दे के झांसा देके लगभग 17 लाख रूपिया के ठगी करे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।