अंजोर.राजनांदगांव, 2 जून 2021। जिला के 8 स्वामी आत्मानंद उत्कृष्ट अंग्रेजी माध्यम विद्यालय के खातिर शिक्षा विभाग म कार्यरत शिक्षक, कर्मचारी मनले प्रतिनियुक्ति के खातिर आवेदन गूगल शीट के माध्यम ले मंगाये गे रिहिस। अंग्रेजी माध्यम के खातिर पात्र आवेदक ल आवेदन अउ प्रमाण पत्र के सत्यापन 7 अउ 8 जून के डॉ. बल्देव प्रसाद मिश्र शासकीय उच्चतर माध्यमिक शाला बसंतपुर राजनांदगांव म बिहनिया 11 बजे ले करे जाही।
अंग्रेजी माध्यम के खातिर मिले आवेदन के सूची अउ उपस्थिति के खातिर तिथि के सूचना जिला शिक्षा अधिकारी राजनांदगांव के वेबसाईट-deorajnandgaon.cg.nic.in म अपलोड करे गे हावय। अंग्रेजी माध्यम के खातिर पात्र संबंधित आवेदक करार तिथि के 10वीं, 12वीं, स्नातक, स्नातकोत्तर, बीएड, डीएड, कार्यरत शाला म पदस्थ होए संबंधी आदेश के मूल प्रति अउ एक-एक छायाप्रति लेके उपस्थित होना अनिवार्य हावय। भृत्य, चौकीदार पद के आवेदक ल 8वीं अउ कार्यरत संस्था म पदस्थ होए संबंधी आदेश के मूल प्रति अउ एक-एक छायाप्रति लाना होही। ए संबंध म जादा जानकारी के खातिर जिला शिक्षा अधिकारी कार्यालय के कक्ष क्रमांक 116 ले संपर्क कर सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।