अंजोर.राजनांदगांव, 28 जून 2021। खुज्जी विधायक श्रीमती छन्नी साहू ह वन विभाग डहर ले आयोजित पौधा तुंहर दुआर कार्यक्रम ल हरा झंडी देखाके शुभारंभ करिन। वन विभाग राजनांदगांव वनमंडल डहर ले मनरेगा योजनांतर्गत 8 लाख 40 हजार तइयार करे गे पौधा मन म मुनगा पौधा मन के संग-साथ आन प्रजाति के कटहल, जामुन, आम, खम्हार, आंवला, शिशु, पेल्टाफार्म, काजू, पपीता, अमरूद, कचनार, महुआ, गुलमोहर, अर्जुन, नीम, करंज के पौधा मन ल आमजन तक पहुंचाये के उद्देश्य ले जिला ल पौधा तुंहर दुआर के तहत नि:शुल्क पौधा वितरण योजना के आगाज करिन, जेन आज ले 15 अगस्त 2021 तक चलही।
कार्यक्रम म अध्यक्ष जिला पंचायत श्रीमती गीता घासी साहू अउ सदस्य राजगामी संपदा अउ अध्यक्ष जिला लघु वनोपज सहकारी यूनियन राजनांदगांव रमेश खण्डेलवाल अउ वनमंडलाधिकारी राजनांदगांव एन गुरूनाथन अपन अधीनस्थ अधिकारी मन अउ वन अमला के संग उपस्थित रिहिन। पौधा तुंहर दुआर के माध्यम ले वन विभाग डहर ले जिला के आमजन के घर पहुंचाके नि:शुल्क पौधा वितरण करे जाही अउ नर्सरी प्रभारी मुढ़ीपार -8827981969, डोंगरगांव 8085600756, सांगली 9424113785, दर्री रोपणी 9131356060, कौडीकसा 9425568897, छुरिया 9340299523, बाघनदी 8319470070, मानपुर 6261018989 के मोबाईल नंबर म फोन करके उहाँ ले भी मिले सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।