अंजोर.सरगुजा, 2 जून 2021। खाद्य, नागरिक आपूर्ति अउ उपभोक्ता संरक्षण मंत्री अमरजीत सिंह भगत ह सरगुजा जिला के सीतापुर के सामुदायिक स्वास्थ्य केंद्र म 20 बिस्तर के ऑक्सीजन युक्त कोविड आइसोलेशन वार्ड के उद्घाटन करिन। ओमन ए बखत स्वास्थ्य केन्द्र भवन के निरीक्षण करके जांच अउ चिकित्सा सुविधा के जानकारी लिस। श्री भगत ह कोरोना महामारी काल म अपन जान के परवाह करे बिना मेहनत अउ लगन ले काम करत डॉक्टर अउ पैरामेडिकल स्टाफ सहित आन कर्मचारी मनके सराहना करिन।
खाद्य मंत्री श्री भगत ह उद्घाटन के मउका म किहिन के ए सामुदायिक स्वास्थ्य केन्द्र म 20 बिस्तर के कोविड केयर वार्ड सुरू हो जाये ले विकासखण्ड स्तर म ही क्षेत्र के कोविड मरीज मनला इलाज के सुविधा मिलही। उहें कोरोना ले पीड़ित मरीज मनल तुरते ऑक्सीजन युक्त बेड उपलब्ध हो सकही। ओमन अस्पताल के डॉक्टर अउ स्टाफ के उत्साहवर्धन करिन। श्री भगत ह किहिन के कोरोना संकटकाल म प्रदेश के जनता ल राहत दे के खातिर राज्य सरकार के डहर ले राशनकार्ड धारी मनला 2 महीना के चाउंर फोकट म दे जात हावय। क्षेत्र के निवासी मन के खातिर भी सबो रकम के जरूरी मेडिकल उपकरण अउ जरूरी स्वास्थ्य सुविधा उपलब्ध कराइन गे हावय। ओमन लोगन ले टीकाकरण कराये के अपील करत आगू कार्यक्रम म 148 हितग्राही मनल शिक्षा, स्वरोजगार अउ बढि़या इलाज के खातिर 12 लाख 90 हजार रूपिया के स्वेच्छानुदान रकम के चेक वितरित करिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।