बस्तर के नेता महीना भर ले नइ लिस सिलगेर के आरो, अब भूपेश दाऊ के पहल म गोठबात बर जाही किथे भारी भरकम टीम !

अंजोर.बीजापुर,01 जून 2021। जनप्रतिनिधी अउ स्थानीय प्रशासन के टीम सुकमा अउ बीजापुर जिला के सीमा म गांव सिलगेर के घटना के संबंध म स्थानीय गांव वाला ले उंकर पक्ष सुनही अउ गोठबात करके तथ्य जुटाही। मुख्यमंत्री भूपेश बघेल के निर्देश म ये पहल करे जात हावय।

बस्तर सांसद दीपक बैज के अध्यक्षता म जनप्रतिनिधी मन के टीम म बस्तर विधायक अउ बस्तर विकास प्राधिकरण के अध्यक्ष लखेश्वर बघेल, केशकाल विधायक अउ बस्तर विकास प्राधिकरण के उपाध्यक्ष संतराम नेताम, दंतेवाड़ा विधायक श्रीमती देवती कर्मा, कांकेर विधायक अउ संसदीय सचिव शिशुपाल सोरी, अंतागढ़ विधायक अनूप नाग, बीजापुर विधायक अउ बस्तर विकास प्राधिकरण के उपाध्यक्ष विक्रम मंडावी, चित्रकोट विधायक राजमन बेंजाम अउ नारायणपुर विधायक अउ छत्तीसगढ़ हस्त शिल्प विकास बोर्ड के अध्यक्ष चंदन कश्यप शामिल हावय। येकर संग ही स्थानीय प्रशासन के प्रतिनिधि भी ए टीम म शामिल रइही।