मिले आरो के मुताबिक घटना उदयपुर विकासखंड के गांव रामनगर बड़खापारा के हावय। मिरगी बीमारी ले पीड़ित करीब 55 साल के श्रीमती राधा बाई यादव ह रामनगर केंद्र म पाछु 22 मार्च के कोविशील्ड वैक्सीन के पहिली डोज लगवाइस। डोज लगवाये के बाद ले ओला मिरगी के झटका अउ दौरा आना बंद होगे। बीमारी के ठीक होए ले उत्साहित राधा बाई ह दूसरा डोज 28 अप्रैल के लगवा लिस। अब पाछु तीन महीने ले राधा बाई ल एक बार भी न त कोनो झटका आइस अउ न ही कोनो दौरा आया। आश्चर्यजनक रूप ले झटका अउ दौरा दुनों गायब हो गे। जानबा होवय के उदयपुर विकासखंड के गांव पलका के एक लकवा पीड़ित भी टीकाकरण ले ठीक हो चुके हावय।
किथे के श्रीमती राधा बाई ह जब वो ह 13 साल के रिहिस तब ले वो ह मिरगी ले ग्रसित रिहिस। ए बीमारी म ओला बीच-बीच म झटका अउ दौरा आते रिहिस जेकर ले वो ह काफी परेशान रिहिस। पाछु 42 साल ले ईलाज कराये के बाद भी मिरगी ले झटका अउ दौरा ले निजात नइ मिलीस। कोविड वैक्सीन लगवाये ले अब मिरगी के झटका आना बिल्कुल बंद हो गे हावय जेकर ले उंकर बीमारी के ठीक होए के उम्मीद जगे हावय। आरएचओ सुखसाय पैकरा ह बताइन के टीकाकरण केन्द्र रामनगर म वैक्सीन लगवाये के बाद राधा बाई के मिरगी के दौरा के ठीक होना अचंभित करे वाला घटना हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।