अंजोर.रायपुर, 25 जून 2021। पौधा तुंहर द्वार योजना के ले अब एक क्लिक म घर बइठे फोकट म पौधा मिल सकत हावयं। येकर खातिर वन विभाग डहर ले विशेष पहल करत व्हाट्सअप नंबर 7587011614 जारी करे गे हावय। संतुलित अउ स्वच्छ वातावरण अउ वृक्षारोपण के प्रति लोगन ल प्रोत्साहित करे के खातिर वन विभाग डहर ले ’पौधा तुंहर द्वार’ योजना के तहत घर तक फोकट म पौधा पहुंचा के दे जाही। ए व्हाट्सअप नम्बर म कोनो भी मनखे व्हाट्सअप मैसेज क्लिक करके अपन घर तक फोकट म पौधा मन मंगा सकत हावयं। ’पौधा तुंहर द्वार’ योजना के तहत रायपुर वन मंडल डहर ले 25 जून ले 31 जुलाई 2021 तक फोकट म पौधा दे जाही। जानबा होवय के वन मंत्री मोहम्मद अकबर ह आज जादा ले जादा लोगन ल वृक्षारोपण के प्रति प्रेरित करे बर पौधा वितरण के वाहन ल हरी झण्डी दिखा के रवाना करिन। वन मंत्री श्री अकबर ह राजधानी रायपुर सहित प्रदेश के हरियर बनाये लोगन ल वृक्षारोपण करे के अपील करिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।