अंजोर.रायपुर, 25 जुलाई। छत्तीसगढ़ माध्यमिक शिक्षा मण्डल डहर ले आयोजित हायर सेकेण्डरी स्कूल सर्टिफिकेट परीक्षा 2021 के परिणाम ऑनलाईन घोषित होइस। घोषित परीक्षाफल 97.43 प्रतिशत रिहिन। एमे पास नोनी मन के प्रतिशत 98.06 अउ बाबू के प्रतिशत 96.69 हावय। ए मउका म स्कूल शिक्षा मंत्री डॉ. प्रेम साय सिंह टेकाम ह अउ संसदीय सचिव द्वय विकास उपाध्याय अउ द्वारिकाधीश यादव, प्रमुख सचिव स्कूल शिक्षा डॉ. आलोक शुक्ला, मण्डल के सचिव प्रोफेसर व्ही.के.गोयल, मण्डल के सदस्य अउ अधिकारी-कर्मचारी उपस्थित रिहिस।
मुख्यमंत्री श्री भूपेश बघेल अउ स्कूल शिक्षा मंत्री डॉ. प्रेम साय सिंह टेकाम ह छत्तीसगढ़ माध्यमिक शिक्षा मण्डल डहर ले आयोजित हायर सेकेण्डरी परीक्षा म सफल सबो परीक्षार्थी मनला के बधाई अउ शुभकामनाएं देवत उंकर उज्जवल भविष्य के कामना करिन। छत्तीसगढ़ माध्यमिक शिक्षा मण्डल डहर ले आयोजित हायर सेकेण्डरी स्कूल सर्टिफिकेट परीक्षा म पंजीकृत 2 लाख 89 हजार 023 परीक्षार्थी म ले 2 लाख 86 हजार 850 परीक्षार्थी परीक्षा म शामिल होइन। एमे ले 2 हजार 402 छात्र के परिणाम अपात्र होए के सेती निरस्त करे गिस अउ 341 छात्र के परिणाम बाद म घोषित करे जाही। आज घोषित 2 लाख 84 हजार 107 छात्र के परिणाम म ले एक लाख 30 हजार 561 बालक अउ एक लाख 53 हजार 546 बालिका हावय। पास परीक्षार्थी के कुल संख्या 2 लाख 76 हजार 817 हावय, जेन घोषित परीक्षाफल के 97.43 प्रतिशत हावय।
घोषित परीक्षा परिणाम म पहिली श्रेणी म पास परीक्षार्थी मनके संख्या 2 लाख 71 हजार 155 हावय, जेन 95.44 प्रतिशत हावय, द्वितीय श्रेणी म पास परीक्षार्थी के संख्या 5 हजार 570 हावय, जेन 1.63 प्रतिशत हावय अउ तृतीय श्रेणी म पास परीक्षार्थी के संख्या 79 हावय, जेन .03 प्रतिशत हावय। पूरक के पात्रता 2035 परीक्षार्थी ल दे गे हावय। येकर अतिरिक्त 5 हजार 255 परीक्षार्थी अनुत्तीर्ण होए हावय, एमे 3 हजार 204 बालक अउ 2 हजार 51 बालिका हावय।
हायर सेकेण्डरी स्कूल सर्टिफिकेट मुख्य परीक्षा साल 2020 म कुल 2 लाख 75 हजार 495 परीक्षार्थी के परीक्षा परिणाम घोषित करे गिस, जेमे 2 लाख 16 हजार 526 परीक्षार्थी (कुल 78.59 प्रतिशत) पास होइस, एमे ले पास नोनी मनके प्रतिशत 82.02 अउ बालक के प्रतिशत 74.70 रिहिस।
छत्तीसगढ़ माध्यमिक शिक्षा मण्डल डहर ले आयोजित हायर सेकेण्डरी व्यावसायिक परीक्षा साल 2121 म कुल 11 परीक्षार्थी पंजीकृत रिहिस। सबो परीक्षार्थी परीक्षा म शामिल होइस। एमे 7 बालक अउ 4 बालिका हावय। सबो परीक्षार्थी पास होइस अउ परीक्षा परिणाम शतप्रतिशत रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।