अंजोर.अम्बिकापुर, 29 जुलाई। स्कूल के आकस्मिक निरीक्षण के बखत अनुपस्थित पाए जाये म एक कर्मचारी सहित 3 शिक्षक मन ल जिला शिक्षा अधिकारी डहर ले कारण बताओ नोटिस जारी करे गे हावय। जिला शिक्षा अधिकारी कोति ले जारी जारी नोटिस म किहे गे हावय के 26 जुलाई 2021 सहायक परियोजना के अधिकारी के डहर ले शासकीय उच्चतर माध्यमिक विद्यालय बतौली के आकस्मिक निरीक्षण करे गिस। जेमा सहायक शिक्षक विज्ञान एलबी श्रीमती सरिता टोप्पो, व्यायाम शिक्षक एलबी श्रीमती माला रोशलीन लकड़ा, सहायक शिक्षक विज्ञान एलबी श्रीमती सरिता गुप्ता अउ सहायक ग्रेड-02 परमेश्वर राजवाड़े अनुपस्थित पाए गिस। संस्था ले अनाधिकृत रूप ले अनुपस्थित अउ कर्तव्य विमुख्ता अनुशासनहीनता के श्रेणी के तहत आथे अउ ये छत्तीसगढ़ सिविल सेवा आचरण नियम 1965 के उप नियम 3 अउ उपनियम 7 के सर्वथा प्रतिकूल हावय। अनुपस्थिती के 3 दिन के भीतर स्पष्टीकरण मांगे गे हावय, के अनुपस्थित दिन ल अवैतनिक स्वीकृत करके जांचो के बाद अवइया एक वेतन बड़वार असंचयी प्रभाव ले काबर नी रोक दे जाए।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।