अंजोर.राजनांदगांव, 17 जुलाई। अंतर्राष्ट्रीय हॉकी स्टेडियम म मरम्मत अउ साफ-सफाई के बुता के जायजा लिस कलेक्टर तारन प्रकाश सिन्हा। ये मउका म ओमन किहिन करिन एस्ट्रो टर्फ के सफाई सरलग रूप ले कराये अउ स्टेडियम के मेन्टनेंस म धियान देवे। कलेक्टर ह किहिन के जिला म हॉकी के खातिर मूलभूत सुविधा काफी अच्छा हावय। ओमन स्टेडियम म विद्युत, पेयजल अउ आन बेवस्था के जानकारी लिस।
जानबा होवय के कलेक्टर के निर्देश के बाद अंतर्राष्ट्रीय हॉकी स्टेडियम म साफ-सफाई के बुता तेजी ले जारी हावय अउ लघियात ही ये बुता पूरा हो जाही। ए मउका म नगर निगम आयुक्त आशुतोष चुतुर्वेदी, संयुक्त कलेक्टर वीरेन्द्र सिंह, कार्यपालन अभियंता लोक निर्माण विभाग डीके नेताम, जिला खेल अधिकारी एक्का, साई के के राजेश्वर राव, इंजीनियर अउ आन अधिकारी उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।