उत्कृष्ठ बैंक सखी मनला मिलिस माइक्रो एटीएम मशीन

अंजोर.बालोद, 17 जुलाई। जिला पंचायत के मुख्य कार्यपालन अधिकारी डा. रेणुका श्रीवास्तव ह बताइन के राष्ट्रीय ग्रामीण आजीविका मिशन (बिहान) ले जिला के विकासखण्ड म बीसी सखी अउ डिजीपे कार्यरत हावयं। उंकर डहर ले गांव-गांव जाके फोकट म बैंकिंग सुविधा दे जात हावय, जेमा वृद्धावस्था पेंशन, मनरेगा भुगतान, विधवा पेंशन अउ जनधन खाता ले रकम के भुगतान प्रमुख हावय। ओमन बताइन के अब तक जिला म लगभग 44 करोड़ रूपिया के ट्रांजेक्शन इंकर डहर ले करे जा चुके हावय।  इही ओढ़र उत्कृष्ठ बैंक सखी गांव बघमरा के श्रीमती तनुजा यादव, गांव पीपरछेड़ी के श्रीमती डामिन बाई, गांव कोरगुड़ा के श्रीमती गीतांजली देशमुख अउ गांव तिलोदा के श्रीमती हुमेश्वरी यादव ल संबंधित बैंक छ.ग. राज्य ग्रामीण बैंक अउ सीएससी ई-गर्वनेंस सर्विस के डहर ले माईक्रो एटीएम मशीन बांटे गिस। 

जिला पंचायत के मुख्य कार्यपालन अधिकारी ह बैंक सखी मनके भविष्य म इही रकम ले सक्रियता ले गांव वाला ल गांव अउ घर-घर जाके बैंकिंग सेवा उपलब्ध कराये बर प्रोत्साहित करिन। ओमन बताइन के माइक्रो एटीएम के डहर ले एटीएम कारड के माध्यम ले आहरण/निकासी करे जा सकत हावय। अब तक ये केवल आधार कारड अउ फींगर प्रिंट के माध्यम ले होत रिहिन, येकर ले गांव वाला ल अउ जादा सुविधा मिलही। ओमन बताइन के जिला म लगभग 130 बीसी अउ डिजीपे सखी बुता करे हावय। इंकर डहर ले रोज लगभग दस ले पन्द्रह लाख रूपिया के ट्रांजेक्शन करके सबोच महिला मन डहर ले न्यूनतम तीन ले चार हजार रूपिया प्रतिमाह कमीशन के रूप म आय अर्जित करे जात हावय।