ये मउका म कृषि मंत्री रविन्द्र चौबे, उद्योग मंत्री कवासी लखमा, सांसद दीपक बैज अउ बस्तर क्षेत्र आदिवासी विकास प्राधिकरण के उपाध्यक्ष विक्रम मंडावी अउ विधायक श्रीमती देवती कर्मा उपस्थित रिहिस। कार्यक्रम म समाज कल्याण मंत्री श्रीमती अनिला भेंड़िया, खादी अउ ग्रामोद्योग बोर्ड के अध्यक्ष राजेन्द्र तिवारी, छत्तीसगढ़ पाठ्य पुस्तक निगम के अध्यक्ष शैलेष नितिन त्रिवेदी अउ समाज कल्याण विभाग के सचिव सुश्री रीना बाबा साहेब कंगाले वीडियो कॉन्फ्रेंसिंग ले जरियाए रिहिस।
मुख्यमंत्री श्री बघेल ह कार्यक्रम के संबोधित करत किहिन के प्राचीन ज्ञान ले जुड़े योग हमर देश के एक परंपरा हावय। योग ले हमर तन अउ मन दुनों स्वस्थ रिथे अउ येकर ले हमर शरीर निरोगी हो सकत हावय। ओमन बताइन के योग के क्षेत्र व्यापक हावय। भगवान श्री कृष्ण ह त एला भक्तियोग, ज्ञानयोग अउ कर्मयोग ले जोड़ के काफी विस्तार स्वरूप दे हावय। छत्तीसगढ़ योग आयोग डहर ले येकर महत्ता के बारे म व्यापक प्रचार-प्रसार करे जाए अउ येकर ले जादा ले जादा लोगन ल जोड़े जाए। जेकर ले हम सबो के दिनचर्या म योग अनिवार्यतः शामिल हो जाए।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।