स्वतंत्रता संग्राम सेनानी बिसाहू दास महंत के 43 वीं पुण्यतिथि म विधानसभा अध्यक्ष, प्रभारी मंत्री अउ गौसेवा आयोग के अध्यक्ष दीस श्रद्धांजलि

अंजोर.जांजगीर, 23 जुलाई। प्रदेश के स्वतंत्रता संग्राम सेनानी, मृदुभाषी, जनप्रिय राजनेता अउ अविभाजित मध्यप्रदेश के पूर्व मंत्री स्वर्गीय बिसाहू दास महंत के 43वीं पुण्यतिथि म जिला मुख्यालय जांजगीर के बीडीएम उद्यान म विधानसभा अध्यक्ष डॉ. चरणदास महंत, राजस्व मंत्री अउ जिला के प्रभारी मंत्री जयसिंह अग्रवाल, राज्य गौ सेवा आयोग के अध्यक्ष डॉ. महंत रामसुन्दर दास, चन्द्रपुर विधायक रामकुमार यादव, कलेक्टर जितेन्द्र कुमार शुक्ला, एसपी प्रशांत कुमार ठाकुर सहित उपस्थित जन प्रतिनिधि मन उंकर प्रतिमा म माल्यार्पण अउ श्रद्धासुमन अर्पित करके ओला श्रद्धांजलि दीस। ए मउका म बीडीएम उद्यान जांजगीर म प्रसिद्ध कबीर भजन गायक भारती बंधु डहर ले कबीरदास जी के साखी म आधारित मनमोहक, सुमधुर भजन के गायन प्रस्तुत करिन। विधानसभा अध्यक्ष डॉ. महंत ह श्रद्धांजलि समारोह के पहिली चांपा केराझरिया के तपसी बाबा उद्यान म स्वर्गीय श्री बिसाहू दास महंत म प्रतिमा म माल्यार्पण करके ओला श्रद्धांजलि दीस अउ प्रांगण म वृक्षारोपण करिन। 

कार्यक्रम म समाज कल्याण विभाग के योजना के तहत 11 दिव्यांग ल मोटाराइज्ड ट्रायसायकल अउ हस्तचालित ट्रायसायकल दे करिन। राष्ट्रीय परिवार मदद योजना के तहत श्रीमती प्रमिला गोयल अउ श्रीमती ललिता बाई केंवट ल 20-20 हजार रूपिया के मदद रकम के चेक दे गिस। निःशक्तजन उच्च शिक्षा प्रोत्साहन योजना के तहत 5 पढ़ईया मन ल 6-6 हजार रूपिया के चेक दे गिस। ए मउका म लोरमी विधयक धरमजीत सिंह, राज्य महिला आयोग सदस्य श्रीमती शशिकान्ता राठौर, जिला पंचायत अध्यक्ष श्रीमती यनिता चन्द्रा, जिला पंचायत उपाध्यक्ष राघवेन्द्र प्रताप सिंह, नगर पालिका जांजगीर-नैला के अध्यक्ष भगवान दास गढेवाल, पार्षद विवेक सिसोदिया, पिंरस शर्मा, श्रीमती सीमा शर्मा, रामविलास, पूर्व विधायक मोतीलाल देवागंन सहित बड़ संख्या म गणमान्य नागरिक अउ जन प्रतिनिधि उपस्थित रिहिस।