छत्तीसगढ़ राज्य बीज अउ कृषि विकास निगम : अग्नि चंद्राकर पूर्व विधायक महासमुंद बनिस अध्यक्ष, निगम म 3 सदस्य के तको नियुक्ति

अंजोर.रायपुर, 17 जुलाई। मुख्यमंत्री दाऊ भूपेश बघेल के अनुशंसा के परिपालन म राज्य शासन डहर ले पूर्व विधायक महासमुंद अग्नि चंद्राकर ल छत्तीसगढ़ राज्य बीज अउ कृषि विकास निगम के अध्यक्ष नियुक्त करे गे हावय। निगम म 3 सदस्य मन के भी नियुक्ति गे हावय। कृषि विभाग के संयुक्त सचिव डहर ले जारी आदेश के तहत जालम सिंह पटेल बेमेतरा, दिलीप पांडे रायगढ़ अउ शंकर बघेल दुर्ग ल राज्य बीज अउ कृषि विकास निगम लिमिटेड के सदस्य नियुक्त करे गे हावय।