अंजोर.रायपुर, 20। छत्तीसगढ़ संस्कृत विद्यामण्डलम् रायपुर डहर ले आयोजित साल 2020-21 के उत्तर मध्यमा पहिली अउ द्वितीय साल (कक्षा 11वीं अउ 12वीं) के वार्षिक परीक्षा परिणाम घोषित होइस। सत्र 2020-21 के मुख्य परीक्षा कोविड-19 के धियान म रखत होए छात्र मन घर म उत्तर लिखके परीक्षा देवाये रिहिस, जेमा पढ़ईया मन के परीक्षा परिणाम शत-प्रतिशत रिहिन।
ये मउका म मंत्री डॉ.टेकाम ह पास सबो पढ़ईया मन के बधाई अउ शुभकामना देवत किहिन के छत्तीसगढ़ संस्कृत विद्यामण्डलम् अवइया शिक्षण सत्र ले रोजगार मूलक पांच डिप्लोमा पाठ्यक्रम-पौराहित्यम् (पुरोहिती), आयुर्वेद, योगदर्शनम्, प्रवचनम् अउ ज्योतिष शास्त्रम् शुरू करही। ए संबंध म संस्कृत विद्यामण्डलम् के कार्य योजना तइयार करे के निर्देश 11 जून 2021 के संस्कृत विद्यामण्डलम् डहर ले आयोजित कक्षा 9वीं पहिली मध्यमा पहिली साल अउ कक्षा 10वीं पहिली मध्यमा द्वितीय साल के परीक्षा परिणाम घोषित करत समय दे गे रिहिस। संस्कृत विद्यामण्डलम् के सचिव राजेश कुमार सिंह ह बताइन के स्कूल शिक्षा मंत्री के निर्देश म पांचों डिप्लोमा के पाठ्यक्रम तइयार करके परीक्षण बर राज्य शैक्षिक अनुसंधान अउ प्रशिक्षण परिषद् ल भेजा गे हावय। परीक्षण बाद पाठ्यक्रम सुरू करे के अनुमति के खातिर राज्य शासन ल भेजे जाही।
संस्कृत विद्यामण्डलम् डहर ले आयोजित कक्षा 11वीं उत्तर मध्यमा पहिली साल के परीक्षा म कुल 814 पढ़ईया सम्मिलित होइन, जेमा 499 बालक अउ 315 बालिका हावयं। इही रकम ले कक्षा 12वीं उत्तर मध्यमा द्वितीय साल के परीक्षा म कुल 629 पढ़ईया शामिल होइस, एमे 367 बालक अउ 262 बालिका हावयं। सबो पढ़ईया मन के परीक्षा परिणाम 100 प्रतिशत रिहिस। कक्षा 12वीं के परीक्षा म 479 बालक अउ बालिका पहिली श्रेणी, 150 बालक अउ बालिका द्वितीय श्रेणी म पास होइस। सबले जादा अंक 94.07 प्रतिशत रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।