अंजोर.गरियाबंद, 24 जुलाई। गरियाबंद जिला के मैनपुर म हीरा तस्कर के खिलाफ सरगल कार्यवाही करे जात हावय। मिले आरो के मुताबिक देवभोग ले निकाले 204 नग हीरा ल बेचे खातिर गिराहिक खोजत एक तस्कर ल मैनपुर थाना क्षेत्र म पकड़े गे हावय। गरियाबंद के नवा एसपी पारूल माथुर ल मुखबीर ले आरो मिले रिहिस के देवभोग क्षेत्र ले हीरा तस्कर मोटर सायकल ले मैनपुर हीरा बेचे बर जावत हावय। जेला तत्काल थाना प्रभारी मैनपुर के नेतृत्व म टीम गठित करके घेराबंदी करत झरियाबाहरा के कोति ले ग्राम बरदुला म किराना दुकान तिर पकड़े गिस।
आरोपी ह पुछताछ म अपन नाम नीलम दास कश्यप ग्राम बुध्दुपारा थाना देवभोग के रहने वाला बताये हावय। जेकर तलाशी 204 नग हीरा कीमत लगभग 22 लाख रूपिया के होना पाया गिस। आरोपी ल धारा 91 सीआरपीसी के तहत् वैध कागजात प्रस्तुत करे के नोटिस दे म कोनो कागजात नइ होए म धारा 379 भादवि 4(21) माइनिंग एक्ट के घटित करना पाये जाने म विधिवत् गिरफ्तार करके थाना मैनपुर म अपराध क्रमांक 51/2021 कायम करके विवेचना म लिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।