जशपुर जिला म चाय अउ कॉफी के खेती के गजब संभावना, तमिलनाडु के प्रवीण कोचर ह कलेक्टर महादेव कावरे ले करिस मुलाकात

अंजोर.जशपुरनगर, 29 जुलाई। तमिलनाडु राज्य के कुन्नूर के प्रवीण कोचर ह आज कलेक्टर महादेव कावरे ले मुलाकात करिस अउ जशपुर के सारूडीह चाय बागान अउ आन जगह के अवलोकन करके चाय के खेती के जानकारी लिस। ओमन किहिन के जशपुर जिला म चाय अउ कॉफी के खेती के बहुत संभावना हावय। ओमन जशपुर जिला के नदी, नाला, पहाड़, झरना के संग इहां के प्राकृतिक सौंदर्य के भी सराहाना करिस। ए मउका म वनमण्डलाधिकारी अधिकारी मन तको रिहिस।