स्कूल म स्काउट दल के गठन करके सेवा भाव जागृत करे के लक्ष्य

अंजोर.मुंगेली, 29 जुलाई। जिला कलेक्टर के मार्गदर्शन म नवनियुक्त जिला शिक्षाधिकारी सतीश पांडे ह भारत स्काउट गाइड जिला संघ मुंगेली ल आगू बढ़ाये के खातिर जिला कलेक्टोरेट स्थित आगर सभा कक्ष म पाछु दिन स्काउटस अउ गाइड प्रभारी के बइठक आयोजित करिन। बइठक म सबोच शासकीय अउ अशासकीय विद्यालय के शिक्षक ल स्काउट के बेसिक प्रशिक्षण दे अउ सबोच विद्यालय के लइका ल ए सेवा बुता म जोड़े बर जरूरी दिशा निर्देश दिस। ओमन किहिन के जिला संघ के मदद ले अपन जिला के राज्य अउ देश म उत्कृष्ट ठऊर  दे म पूरा सहयोग करही। ये मउका म श्रीमती नारायणी कश्यप ह बालिका मनला गाइड म कइसे जोड़ा जाए अउ उंकर का कार्यक्रम आयोजित करे जाए के जानकारी दीस।