मुंशी प्रेमचंद जयंती 31 जुलाई : आम जन के पीरा के रचनाकार प्रेमचंद ल सुरता करिस मुख्यमंत्री

अंजारे.रायपुर, 31 जुलाई। मुख्यमंत्री भूपेश बघेल ह मुंशी प्रेमचंद जी ल 31 जुलाई के जयन्ती के मउका म प्रदेशवासी मनला बधाई दीस। ओमन मुंशी प्रेमचंद (धनपतराय श्रीवास्तव) के साहित्य म योगदान के सुरता करत किहिन के उपन्यास सम्राट मुंशी प्रेमचंद ह आम आदमी के दुख दर्द ल अपन साहित्य म उतारय। उंकर ज्यादातर रचना आम आदमी के गरीबी अउ बेबसी के यथार्थ चित्रण हावयं। ओमन सांप्रदायिकता, भ्रष्टाचार, जमींदारी, कर्जखोरी, गरीबी, उपनिवेशवाद के बड़ कुशलता ले अपन साहित्य म वर्णन करे। प्रेमचंद एक संवेदनशील लेखक रिहिस जेन सरल, सहज अउ आम बोल-चाल के भाषा के उपयोग करय अउ अपन प्रगतिशील विचार के अमूल्य साहित्य के विरासत छोड़ गे हावय।