प्रदेश म स्कूल खोले खातिर शिक्षा विभाग शर्त के संग दीस अनुमति

अंजोर.रायपुर, 26 जुलाई। प्रदेश म स्कूल खोले खातिर स्कूल शिक्षा विभाग डहर ले मंत्रालय ले जारी आदेश मुताबिक ऑफलाईन कक्षा सुरू करे के अनुमति शर्त के आधार म दे गे हावय। ऑफलाईन कक्षा सुरू करे के शर्त के मुताबिक स्कूल शिक्षा विभाग के ले सबो निजी अउ शासकीय विद्यालय म कक्षा 10वीं अउ 12वीं के कक्षा सोमवार 2 अगस्त 2021 ले सुरू होही। स्कूल शिक्षा विभाग के ले सबो निजी अउ शासकीय विद्यालय म कक्षा एक ले 5वीं अउ कक्षा 8वीं के कक्षाएं सुरू करे के संबंध म ग्रामीण क्षेत्र के खातिर संबंधित गांव पंचायत अउ स्कूल के पालक समिति के अनुशंसा जरूरी हावय। शहरी क्षेत्र के खातिर संबंधित वार्ड पार्षद अउ स्कूल के पालक समिति के अनुशंसा जरूरी हावय। उंकर अनुशंसा मिले म ही ये कक्षा सोमवार 2 अगस्त 2021 ले सुरू करे जा सकही।  

आदेश के शर्त के मुताबिक ये कक्षा उन्हीं जिला म सुरू करे जाही, जेमे कोरोना के पॉजिटिविटी दर 7 दिन तक 1 प्रतिशत ले कम हो। पढ़ईया मन ल ऑफलाईन कक्षा म एक दिन के अंतर म बुलाये जाही, माने रोज केवल आधा संख्या म ही पढ़ईया बुलाऐ जाही। कोनो भी पढ़ईया ल यदि सर्दी, खांसी, बुखार उक होही त ओला कक्षा म नइ बइठाये जाही। 

आदेश मुताबिक ऑनलाईन कक्षा यथावत संचालित करे रइही। कोनो भी पढ़ईया के खातिर उपस्थिति अनिवार्य नइ होही। केन्द्र सरकार अउ राज्य सरकार डहर ले समय-समय म जारी कोरोना संक्रमण ले बचाव के निर्देश के पूरा पालन सुनिश्चित करना होही। आदेश म सबो शिक्षण संस्था मन के कमर के साफ-सफाई ठीक रकम ले कराना हावय।