अंजोर.रायपुर, 31 जुलाई। छत्तीसगढ़ राज्य ओपन स्कूल डहर ले आयोजित हायर सेकेण्डरी स्कूल सर्टिफिकेट मुख्य परीक्षा साल 2021 के परिणाम ऑनलाईन घोषित करे गिस। परीक्षाफल 98.20 प्रतिशत रिहिन, एमे पास नोनी मन के प्रतिशत 98.30 अउ बालक के प्रतिशत 98.12 हावय।
छत्तीसगढ़ राज्य ओपन स्कूल डहर ले आयोजित हायर सेकेण्डरी सर्टिफिकेट मुख्य परीक्षा म पंजीकृत 79 हजार 764 परीक्षार्थी म ले 78 हजार 164 परीक्षार्थी परीक्षा म शामिल होइन। एमे ले 115 परीक्षार्थी के परीक्षा फल आने-आने कारण ले रोक गे हावय। आरटीडी योजना के ले 16 हजार 608 परीक्षार्थी परीक्षा म शामिल होइस। बांचे 61 हजार 511 परीक्षार्थी के परिणाम घोषित करे गिस। पास होए कुल परीक्षार्थी मनके संख्या 60 हजार 409 हावय अउ परीक्षाफल 98.20 प्रतिशत रिहिन। अनुउत्तीर्ण परीक्षार्थी मनके संख्या 1102 हावय, जेन कुल घोषित परीक्षा परिणाम के 1.8 प्रतिशत हावय। घोषित परीक्षा परिणाम म पहिली श्रेणी म पास परीक्षार्थी मनके संख्या 52 हजार 304 हावय। द्वितीय श्रेणी म पास परीक्षार्थी मनके संख्या 6 हजार 982 हावय। तृतीय श्रेणी म पास परीक्षार्थी मनके संख्या एक हजार 119 हावय।
परीक्षा परिणाम पढ़ईया छत्तीसगढ़ राज्य ओपन स्कूल के वेबसाइट https://www.sos.cg.nic.in/ म उपलब्ध हावय। ए साल नोवेल कोरोना वायरस कोविड 19 के संक्रमण के सेती परीक्षा घर ले आयोजित करे गिस। परीक्षा म अनुउत्तीर्ण पढ़ईया अवइया परीक्षा के आवेदन फार्म अपन अध्ययन केन्द्र म जमा करके परीक्षा म सामिल हो सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।