अंजोर.बलौदाबाजार, 25 जुलाई। गृह मंत्रालय, भारत सरकार डहर ले हरेक साल कस एसो तको आने-आने क्षेत्र म दे जाये वाला पद्म पुरस्कार साल 2022 के खातिर पात्र मनखे मन ले करार प्रारूप म नामांकन प्रस्ताव आमंत्रित करे गे हावय। साल 2022 म पद्म विभूषण, पद्म भूषण अउ पद्म श्री पुरस्कार दे खातिर करार पात्रता अउ मापदंड मुताबिक साफ अनुशंसा सहित योग्य, पात्र मनखे मन के नामांकन प्रस्ताव 24 अगस्त 2021 तक कार्यालय अनुविभागीय अधिकारी राजस्व, बलौदाबाजार, भाटापारा, सिमगा, बिलाईगढ़ अउ कसडोल म आवेदन जमा कर सकत हावय। सबो एसडीए ले मिले आवेदन ल 24 अगस्त 2021 तक अभिमत/ अनुशंसा सहित कार्यालय कलेक्टर बलौदाबाजार- भाटापारा के अनिवार्य रूप ले प्रेषित करें।
पद्म पुरस्कार देश के प्रतिष्ठित नागरिक पुरस्कार हावय। साल 1954 म स्थापित ये पुरस्कार के घोषणा सबोच साल गणतंत्र दिन के मउका म करे जात हावय। ए पुरस्कार म उत्कृष्ट बुता ल मान्यता दे जात हावय अउ एला सबो क्षेत्र, विषय जइसे कला, साहित्य, शिक्षा, खेल, चिकित्सा, सामाजिक कार्य, विज्ञान, इंजीनियरी, सार्वजनिक मामला, नागरिक सेवा, व्यापार अउ उद्योग उक म विशिष्ट अउ असाधारण उपलब्धी, सेवा के खातिर प्रदान करे जात हावय। कोनो भी व्याक्ति कोनो भी जाति, व्यवसाय, हैसियत या लिंग के भेदभाव के बिना ये पुरस्कार के पात्र हावय। ये पुरस्कार ले संबंधित विधान अउ नियमावली वेबसाईट-एचटीटीपीएस/पद्मअवार्डस डाट जीओव्ही डाट ये https://padmaawards.gov.in म उपलब्ध हावय। डॉक्टर मन अउ वैज्ञानिक ल छोड़के, सार्वजनिक क्षेत्र उपक्रम म काम करइया मनखे मन सहित सरकारी सेवक,पद्म पुरस्कार के खातिर पात्र नइ हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।