अंजोर.रायपुर, 20 जुलाई। छत्तीसगढ़ शासन के राजस्व अउ आपदा प्रबंधन विभाग डहर ले आने-आने प्राकृतिक आपदा पीड़ित मन ल जिला कलेक्टर के माध्यम ले आर्थिक अनुदान स्वीकृत करे जात हावय। जांजगीर-चांपा, बस्तर अउ गरियाबंद जिला म अइसने 8 प्रकरण म 32 लाख रूपिया के आर्थिक मदद स्वीकृत करे गिस हावय।
राजस्व पुस्तक परिपत्र 6-4 के तहत जांजगीर-चांपा जिला के चांपा तहसील के कोटाडबरी गांव के सुलोचना के मउत आगी म जले ले अउ तहसील शक्ति के सकरेली गांव के उत्तम कुमार के मउत साप चाबे ले होए म पीड़ित के घर वाला ल चार लाख रूपिया के आर्थिक मदद स्वीकृत करे गिस हावय। इही रकम ले तहसील हसौद के गांव नगरीडीह के प्रदीप नारंग, तहसील पामगढ़ के गांव राहौद के कोमल चंद अउ सारागांव तहसील के रिसदा गांव के मुन्नालाल भैना के मउत पानी म डूबे ले होए के सेती मृतक के पीड़ित घर वाला ल चार-चार लाख रूपिया के आर्थिक मदद स्वीकृत करे गिस हावय। इही रकम ले बस्तर के लोहण्डीगुड़ा तहसील के गांव तारागांव के बुटकी बाई के सांप चाबे ले परमिला के मउत मधुमक्खी के काटे ले अउ गरियाबंद जिला के छुरा तहसील के गांव कोठीगांव के नंदनी नेताम के मउत सांप चाबे जे होए के सेती मृतक के पीड़ित घर वाला ल चार-चार लाख रूपिया के आर्थिक मदद स्वीकृत करे गिस हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।