अंजोर.रायपुर, 18 जुलाई। जिला रोजगार अउ स्वरोजगार मार्गदर्शन केन्द्र, रायपुर डहर ले छत्तीसगढ़ राज्य के शिक्षित बेरोजगार युवा मन ल रोजगार के मउका उपलब्ध कराये के उद्देश्य ले 19 जुलाई 2021 के रोजगार कार्यालय रायपुर, जुन्ना पुलिस मुख्यालय परिसर, जी.ई. रोड, रायपुर म प्लेसमेंट कैम्प आयोजित होही। ए प्लेसमेंट कैम्प के माध्यम ले निजी क्षेत्र के नियोजक आई.सी.आई.सी.आई. बैंक अकादमी. रायपुर डहर ले सेल्स ऑफिसर के 40 पद अउ नेशनल इंस्टीट्यूट ऑफ बैंकिंग एंड फाइनेंस के व्यवसाय विकास अधिकारी के 200 पद म स्नातक पास उम्मीदवार मन के भरती करे जाही।
उप संचालक रोजगार ह बताइन के ये पद म भरती बर योग्य अउ इच्छुक आवेदक करार तिथि 19 जुलाई 2021 के अपन शैक्षणिक अउ तकनीकी शिक्षा अउ अनुभव प्रमाण पत्र के छायाप्रति के संग बिहनिया 11 बजे ले मंझनिया 3 बजे तक अपन उपस्थिति दे सकत हावयं। सोशल डिस्टेंटिंग के पालन करत आवेदक प्लेसमेंट कैम्प म सामिल होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।