राज्यपाल सुश्री अनुसुईया उइके के कार्यकाल के दू बछर : जरूरतमंद के मदद करे म बड़ सुकून मिलथे, राजभवन के दरवाजा आम जनता के खातिर भी खुले हावय

अंजोर.रायपुर, 29 जुलाई। राज्यपाल सुश्री अनुसुईया उइके के 29 जुलाई के छत्तीसगढ़ के राज्यपाल के रूप म दू साल पूरा होए के मउका म आज राजभवन परिवार ह ओला बधाई अउ शुभकामना दीस। राज्यपाल सुश्री उइके ह ए मउका म किहिन के वो सौभाग्यशाली हावय के ओला छत्तीसगढ़ के राज्यपाल बने के मउका मिलिस। ओमन किहिन के मैं पूरा भारत के भ्रमण करे हावय अउ ये महसूस करेव के छत्तीसगढ़ के लोगन जइसे गजब सहज अउ सरल लोगन कहू नइ हावयं। ये दू साल के कार्यकाल के ओमन संतुष्टि भरा बतात किहिन के छत्तीसगढ़ के दूरदराज इलाका म भी ये संदेश गे हावय के राजभवन के दरवाजा आम जनता के खातिर भी खुले हावय। इहां आने वाला लोगन ल न्याय के आस रहिथे अउ मैं ओला हर संभव मदद करे के प्रयास करे हावं। उंकर मदद करके मोला जादा सुकून मिलथे।

राज्यपाल सुश्री उइके ह किहिन के छत्तीसगढ़ के जनता के बेहतरी के खातिर शासन-प्रशासन के संग समन्वय ले बुता करे ल प्राथमिकता देत हावं, जेकर ले छत्तीसगढ़ विकास के पथ म हमेशा अग्रणी रिहिस। सुश्री उइके ह किहिन के राज्य म नक्सलवाद के समाधान शांतिपूर्ण तरीका ले गोठबात ले हो, ये उंकर कोशिश रइही। संग ही आदिवासी मनला उंकर हक दिलाये के खातिर के खातिर भी प्रयास करत रइही। न्याय ले वंचित लोगन ल न्याय दिलाना मोर मकसद हावय। ओमन किहिन के वैश्विक महामारी कोविड-19 के दौर, देश-प्रदेश सहित पूरा दुनिया के खातिर भयावह रिहिन, फेर सबो ह हिम्मत के संग अउ आपसी समन्वय ले येकर मुकाबला करिन अउ आगू भी इही रकम ले मिलजुल के कोरोना ले लड़े के उपाय करही।