भाई मन पहिरही एसो स्व-सहायता समूह के दीदी के बनाये राखी, हांथ म सजही धान, बांस, चावल, अरहर, रखिया बीज, मोती अउ खुबसूरत रंग-बिरंग के राखी

अंजोर.राजनांदगांव, 25 जुलाई। रक्षाबंधन के तिहार म ए बरस बिहान के स्व-सहायता समूह के महिला मन डहर ले छत्तीसगढ़ी संस्कृति के अुनरूप बने परंपरागत सुन्दर राखी ले भाई मनके हाथ सजगी। भाई-बहन के प्यार म मिठास घोलत बिहान के राखी। कलेक्टर तारन प्रकाश सिन्हा ह नागरिक ले अपील करे हावय के रक्षाबंधन के पावन पर्व म स्व-सहायता समूह के महिला मन डहर ले बने राखी खरीद करके उंकर उत्साहवर्धन करें। 

बिहान के स्व-सहायता समूह के महिला मन ह परंपरागत धान, बांस, चावल, अरहर, रखिया बीज, मोती अउ खुबसूरत रंग-बिरंगी धाग अउ डिजाईन ले सजे राखी के वेरायटी के निर्माण करे हावय, जेन कलेक्टोरेट के गढ़कलेवा परिसर म बिहान के राखी स्टॉल बिक्री केन्द्र म उपलब्ध हावय। संग ही वाट्सअप नंबर 9009803794 अउ 7049936001 ले संपर्क करके राखी मंगाये जा सकत हावय। केटलॉग ले अपन पसंदीदा राखी के कोड लिख करके व्हाट्सअप, कोरियर, डाक अउ आन माध्यम ले मंगवा सकत हावयं। न्यूनतम 50 ले 100 नग राखी आर्डर म 10 प्रतिशत डिस्काउंट, न्यूनतम 100 ले 500 नग राखी आर्डर म 20 प्रतिशत डिस्काउंट, न्यूनतम 500 ले जादा नग राखी आर्डर म 25 प्रतिशत डिस्काउंट मिलही। आर्डर मिले के तीन ले 4 दिन के भीतर राखी उपलब्ध कराये जाही। राखी स्टॉल म राज्य ग्रामीण आजीविका मिशन बिहान के जय माँ शीतला स्व-सहायता समूह अउ जय माँ अम्बे समूह के महिला मन राखी के बेचत हावयं। ये महिला मन के राखी निर्माण के खातिर स्टार्टअप विलेज एन्टरप्रेन्योटशिप प्रोग्राम के तहत चार दिन के प्रशिक्षण दे गिस।