अगस्त ले खुलही छत्तीसगढ़ म स्कूल, 50 प्रतिशत उपस्थिति के संग 10 वीं अउ 12 वीं के लगही कक्षा

अंजोर.रायपुर, 20 जुलाई। कोविड-19 के संक्रमण के स्थिति म प्रदेश के स्कूदल अउ कॉलेज मन म शैक्षणिक सत्र 2021-22 के खातिर 2 अगस्त 2021 ले भौतिक रूप ले शिक्षण अउ अध्यापन कालखण्ड म पढ़ईया मन के उपस्थिति के फइसला ले गिस। जेकर तहत कक्षा के संचालन रोज 50 प्रतिशत उपस्थिति के संग करे जाही। माने पढ़ईया मन एकाक दिन कक्षा म उपस्थित होही। सबो संकाय/ कक्षा के खातिर पहिली ले संचालित ऑनलाइन कक्षा भी यथावत संचालित रइही। कोविड-19 के सुरक्षा मानक ल धियान रखे जाही।

राज्य के सबो औद्योगिक प्रशिक्षण संस्थान (आईटीआई) सुरू होही। मेडिकल कॉलेज, इंजीनियरिंग कॉलेज, पॉलीटेक्निक चरणबद्ध रूप ले खोले जाही। कॉलेज म पढ़ईया मन के उपस्थिति के अनिवार्यता नइ हावय। कक्षा 10वीं अउ 12वीं के कक्षा 2 अगस्त 2021 ले शुरू होंगी। कक्षा के संचालन पढ़ईया मन के 50 प्रतिशत उपस्थिति के संग करे जाही। येकर खातिर पालक मनके सहमति जरूरी होही। यदि कोविड के एक भी प्रकरण नइ हावय, अइसे स्थिति म पंचायत, पालक मनके सलाह ले स्कूल संचालन के फइसला ले सकेंगी। इही रकम ले शहरी क्षेत्र म स्कूल के संचालन के संबंध म स्थानीय पार्षद अउ पालक मनके सहमति ले फइसला ले जाही।