सोंढूर बांध के खुलिस गोड़ा, दुधावा संग किसान के खेत मिलही अब पानी

अंजारे.धमतरी, 18 जुलाई। जल संसाधन विभाग डहर ले आज बिहनिया ले सोंढूर जलाशय ले पानी छोड़े जात हावय। कार्यपालन अभियंता जलसंसाधन पालड़िया ह बताइन के सोंढूर जलाशय ले पांच सौ क्यूसेक पानी दुधावा जलाशय ल भरे अउ किसान मन के फसल के सिंचाई के खातिर छोड़े जात हावय। काबर के किसान मन डहर ले बरसात नइ होए के सेती फसल ल सूखाए ले बचाये के खातिर सिंचाई बर नगरी के सोंढूर जलाशय ले पानी छोड़े के मांग करे जात रिहिस। हालांकि पहिली भी जलाशय ले पानी छोड़े गे रिहिस, फेर क्रॉस रेगुलेटर के मरम्मत बुता के सेती पानी कम छोड़े रिहिन, फेर आज बिहनिया ले जलाशय ले 500 क्यूसेक पानी छोड़े जात हावय।