अंजोर.रायपुर, 27 अगस्त। छत्तीसगढ़ सरकार के योजना मन म सुराजी गांव योजना के गरूवा योजना के तहत अब तक राज्य म बने अउ सक्रिय रूप ले संचालित 5963 गउठान म ले 1242 गउठान स्वावलंबी हो गे हावयं। स्वावलंबी गउठान गोबर खरीदी ले लेके वर्मी कम्पोस्ट के निर्माण के खातिर स्वयं के पास उपलब्ध रकम के उपयोग करे लगे हावयं। रायगढ़ जिला म सबले जादा 189 गउठान स्वावलंबी होए हावय। दूसर नंबर कबीरधाम जिला म 141 गउठान अउ तीसर म राजनांदगांव जिला म 101 गउठान स्वावलंबी होए हावय।
कृषि विभाग ले मिले जानकारी के मुताबिक गरियाबंद जिला म 25, धमतरी म 43, बलौबाजार म 49 अउ रायपुर जिला म 25 कबीरधाम जिला म 141, दुर्ग म 64, बालोद म 30, बेमेतरा म 22, राजनांदगांव जिला म 101, कोरबा म 61, गौरेला-पेण्ड्रा-मरवाही म 25, जांजगीर-चांपा म 44, बिलासपुर म 34, मुंगेली म 20, रायगढ़ म 189, कोरिया म 23, जशपुर म 36, बलरामपुर म 18, सरगुजा म 39, सूरजपुर म 22, कांकेर म 69, कोण्डगांव म 21, दंतेवाड़ा म 29, नारायणपुर म 5, बस्तर म 26, बीजापुर म 12 अउ सुकमा जिला म 18गउठान स्वावलंबी बन चुके हावयं।
जानबा होवय के राज्य म पशुधन के संरक्षण अउ संवर्धन के बढ़ावा दे के खातिर राज्य सरकार डहर ले अब तक 10107 गांव म गउठान के निर्माण के स्वीकृति दे जा चुके हावय। जेमा ले 5963 गउठान के निर्माण पूरा हो चुके हावय अउ उहां म गोबर खरीदी, वर्मी कम्पोस्ट के निर्माण सहित आन आयमूलक गतिविधी संचालित होत हावय। वर्ममान म 3220 गौठान के तेजी ले निर्माण कराये जात हावय बांचे 924 गौठान के निर्माण के बुता अभी शुरू कराये जाना हावय। गउठान म पशुधन के देखरेख, चारा-पानी अउ उपचार के बेवस्था सुनिश्चित करे गे हावय। मुख्यमंत्री के मंशा के मुताबिक गउठान म पशु मन के खातिर हरा चारा के इंतजाम भी करे जात हावय। अब तक 4 हजार ले जादा गउठान म लगभग 7600 एकड़ म हरा चारा लगाये गे हावय, जेमा हाईब्रिड नेपियर घास के रोपण अउ आन चारा के बुआई करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।