रायपुर, 26 अगस्त। वन अउ जलवायु परिवर्तन विभाग डहर ले नदी तट वृक्षारोपण कार्यक्रम के तहत चालू साल के बखत महानदी के किनारे 52 हेक्टेयर रकबा म 57 हजार ले जादा पौधा मन के रोपण करही। जानबा होवय के राज्य म चालू वर्षा ऋतु के बखत नदी तट वृक्षारोपण कार्यक्रम के तहत 28 आने-आने नदि के तट म लगभग 11 लाख पौधा मन के रोपण प्रगति म हावय।
महानदी के तट म ए साल कांकेर वन मंडल ले 28 हेक्टेयर रकबा अउ महासमुंद वन मंडल के अंर्तगत 24 हेक्टेयर रकबा म पौधा मन के रोपण जारी हावय। एमे ले कांकेर वन मंडल के महानदी के डेल्टा बाड़ाटोला के 15 हेक्टेयर रकबा म 16 हजार 500 पौध, महानदी के डेल्टा अरौद के 8 हेक्टेयर रकबा म 8 हजार 800 पौधा मन अउ महानदी तट अरौद के 5 हेक्टेयर रकबा म 5 हजार 500 पौधा मन के रोपण करे जात हावय। इही रकम ले महासमुंद वन मंडल ले बरबसपुर के 14 हेक्टेयर रकबा म 15 हजार 400 अउ नांदगांव के 10 हेक्टेयर रकबा म 11 हजार पौधा मन के रोपण प्रगति म हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।