डोंगरगांव म 30 बिस्तर सामुदायिक स्वास्थ्य केन्द्र के नवा भवन के लोकार्पण करिस मंत्री अमरजीत भगत

अंजोर.राजनांदगांव 15 अगस्त। डोंगरगांव म 2 करोड़ 50 लाख रूपिया के लागत ले 30 बिस्तर सामुदायिक स्वास्थ्य केन्द्र के नवा भवन के लोकार्पण करिन जिला के प्रभारी अउ खाद्य, नागरिक आपूर्ति, संस्कृति मंत्री अमरजीत सिंह भगत। ये मउका मंत्री श्री भगत ह किहिन के डोंगरगांव म नवा सामुदायिक स्वास्थ्य केन्द्र भवन बने ले स्वास्थ्य सुविधा म बढ़ोत्तरी होही अउ जनसामान्य ल बढि़या स्वास्थ्य सुविधा मिलही। स्थानीय स्तर म स्वास्थ्य सुविधा मिले ले जादा ले जादा लोगन लाभान्वित होही। ए मउका म ओमन सबो के स्वतंत्रता दिवस के बधाई अउ शुभकामना दीस। 

ओमन किहिन के देश ल आजादी देवाये के खातिर अपन जीवन के बलिदान दे वाला सबो स्वतंत्रता संग्राम सेनानी मनला नमन करत हावं। स्वतंत्रता संग्राम सेनानी ह अपन जीवन के बलिदान देके हमन ल आजादी देवाय हावय, ओला अक्षुण्य बनाए रखना हमर कर्तव्य हावय। ये मउका छत्तीसगढ़ अन्या पिछड़ा वर्ग विकास प्राधिकरण के अध्यक्ष अउ विधायक डोंगरगांव दलेश्वर साहू ह किहिन के नवा सामुदायिक स्वास्थ्य केन्द्र डोंगरगांव निवासी मन के खातिर सौभाग्य हावय। स्वास्थ्य केन्द्र भवन के निर्माण सबो सुविधा के धियान म रखके करे गे हावय। इहां के नागरिक उपलब्ध सबो संसाधन के उपयोग करके लाभ लेही।