अंजोर.महासमुन्द 25 अगस्त। जिला म कमती पानी गिरे के सेती अब खेत म पानी पलोय खातिर नहर ले पानी ढिले जात हावय। मिले आरो के मुताबिक जलाशय परियोजना ले पाछु 13 तारीख ले पानी छोड़े जात हावय। कोडार जलाशय छोड़े गे पानी ले 21 गांव के 7000 हेक्टेयर म पहिली पानी पूरगे हावय। 33 गांव के 9000 हेक्टेयर क्षेत्र म सिंचाई जारी हावय। जिला के 20 एनीकट म ले 5 एनीकट म भरे पानी ले किसान मन स्वयं के साधन ले अपन खेत पानी पलोवत हावय। जिला के बांचे 53 लघु जलाशय म 5 ले 20 प्रतिशत तक ही जल भराव होए हावय। जल संसाधन अधिकारी ह बताइन के अभी के बेरा स्थिति म सिंचाई बर पानी देना सम्भव नइ हो पात हावय। ओमन बताइन के मुख्य सचिव डहर ले 19 अगस्त के वीडियों कांफ्रेंस के जरिए सिंचाई बर बॉध, जलाशय म जल प्रदाय के समीक्षा करे गे रिहिस। ओमन बॉधों म 16 प्रतिशत जल भराव या ओकर ले कम स्थिति म सिंचाई बर जल प्रदाय नइ करे जाये के निर्देश दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।