मुख्यमंत्री निवास म होवइया तीजा-पोरा तिहार के तइयारी के खातिर बइठका रखिस मंत्री श्रीमती भेंड़िया

अंजोर.रायपुर, 25 अगस्त। मंत्री श्रीमती भेंड़िया ह मुख्यमंत्री निवास म हर साल होवइया तीजा-पोरा तिहार के तइयारी के बइठक करके अधिकारी मन ल जरूरी निर्देश दिस। बइठक म राज्यसभा सांसद श्रीमती छाया वर्मा, छत्तीसगढ़ राज्य महिला आयोग के अध्यक्ष डॉ. किरणमयी नायक सहित महिला अउ बाल विकास विभाग के अधिकारी मन सामिल होइन। जानबा होवय के मुख्यमंत्री श्री भूपेश बघेल हर साल पोरा तिहार के मउका म मुख्यमंत्री निवास म छत्तीसगढ़ के बहन अउ महतारी मन ल करू भात के खातिर आमंत्रित करथे। ए मउका म मुख्यमंत्री निवास म पारंपरिक रूप ले तीजा-पोरा तिहार मनाये जाथे, जेमा प्रदेश भर ले महिला मन अउ महिला जनप्रतिनिधि सामिल होथे।