अंजोर.रायपुर, 18 अगस्त। स्कूली लइका ल शिक्षा के संग हुनरमंद भी बनाये जाही। कक्षा 6वीं ले 8वीं के लइका ल महीना म 10 दिन स्थानीय कलाकार शिल्प अउ व्यवसायिक कौशल के प्रशिक्षण देही। लइका के बने शिक्षा दे के खातिर मूर्तिकला, चित्रकला, संगीत, लोक-नृत्य, बढ़ईगिरी, बांस शिल्प, बिजली के काम, पाईपलाइन कार्य, धातु शिल्प, बागवानी, माटी के बर्तन बनाये उक के प्रशिक्षण दे जाही।
स्कूल शिक्षा विभाग डहर ले राष्ट्रीय शिक्षा नीति म कक्षा 6वीं ले 8वीं तक के लइका के खातिर महीना म 10 दिन बिना बस्ता के स्कूल जाये के परिकल्पना के मुताबिक योजना बनाये गे हावय। राज्य के सबोच जिला म स्कूल लइका ल स्थानीय कला के विशेष प्रशिक्षण दे के खातिर 60-60 स्कूल के चयन करे जाही। स्कूली लइका ल मूर्तिकला, चित्रकला, संगीत, लोक-नृत्य उक के प्रशिक्षण दे के खातिर स्थानीय स्तर म इच्छुक कलाकार मनके सेवा ले जाही। स्थानीय सामुदाय अउ पालक मनके सहमति म स्कूली लइका ल उंकर डहर ले चयनित कला के प्रशिक्षण दे जाही अउ एमे स्थानीय सामुदाय के भी सहयोग ले जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।