अंजोर.धमतरी 4 अगस्त। मछरी विकास के क्षेत्र म उत्कृष्ट बुता करइया मछरी पालक, मछरी कृषक, सहकारी संस्था अउ अशासकीय संगठन ले श्रीमती बिलासाबाई केंवटीन मत्स्य विकास पुरस्कार के खातिर अवइया 31 अगस्त तक आवेदन आमंत्रित करे गे हावयं। सहायक संचालक, मछलीपालन विभाग ह बताइन के पुरस्कार के रूप म एक लाख रूपिया प्रदाय करे जात हावय अउ पुरस्कार के संबंध म नियम अउ शर्तें मछलीपालन विभाग के वेबसाईट http//agriportal.cg.nic.in/fisheries/fishhi// म देखे जा सकत हावय। ओमन बताइन के कोनो भी व्यक्ति, संस्था, सहकारी समिति एक ले जादा आवेदन नइ कर सकही। आवेदन पत्र करार प्रपत्र म जरूरी प्रमाण पत्र के संग नियत तिथि तक मछलीपालन विभाग म जमा कना होही। संग म दस्तावेज के रूप म बुता के छायाप्रति अउ वीडियो उक जमा करे जा सकत हावय। पुरस्कार चयन के संबंध म चयन समिति के फइसला आखरी अउ सर्वमान्य होही। समय सीमा के बाद मिले आवेदन म समिति डहर ले विचार नइ करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।